Poesía — David Tijero Osorio

Eguna gogoratuz nabil

David Tijero Osorio — Mon, 30 Apr 2018 23:09:19 +0000

Eguna gogoratuz nabil
ilunabarrero egiten dudan legez hondartza ezkutuan
irudiak bilatuz nabil
ortzeko izarrak lotuz marra irudikarirekin

bi dizdiratsu horiek zure begiak
ahoa eratzen duten haien ondoan
zure eskuak itsasoak laztanduriko hodeiertzakoak dira
eta zerua bi zatitan hausten duen zure adatsean
neure babesa aurkitzen dut gauero

eguna gogoratuz nabil zeruari so
baina zure bisaia baino ez zait azaltzen
beste gauza batzuk oroitzen saiatu arren.

La entrada Eguna gogoratuz nabil aparece primero en David Tijero Osorio.

Gerra

David Tijero Osorio — Wed, 10 Jan 2018 11:37:57 +0000

Bart,
goiko lurraldeetako
gerraren oihartzunak
esnatu gintuen
ekaitz artifizialak gauari
iluntasuna ebasten zion

egunsentian,
udaberriro jaiotzen den
errekaren ura
gorriz tindatuta jaisten hasi da

eguerdirako,
lehenengo zaurituak iritsiko dira
orain itsaso bila doan
odolaren eske.

(«Gerran idatzi nizuna», 2013)

La entrada Gerra aparece primero en David Tijero Osorio.

Textos para la exposición «Habitáre» (5-18 octubre en Bilbaoarte)

David Tijero Osorio — Sun, 24 Sep 2017 21:33:47 +0000

Habitáre

Onartzen zaituen errealitatea, ohikotasunaren unibertsoa, ezinegon intrinsekoa asetzeko aterpea, anatomiaren eta munduaren arteko mugaldea.

Realidad que te acepta, universo de la rutina, refugio que sacia la inquietud intrínseca, frontera entre mundo y anatomía.

Civitas/Hiria/Ciudad

Milaka bideen egitura, muga fisikoek eraturiko mapa, aniztasunaren bilgunea, munduaren laburpen trinkoa.

Estructura de miles de caminos, mapa al que dan forma fronteras físicas, punto de encuentro de la diversidad, intensivo resumen del mundo.

Somnium/Amets egin/Soñar

Bizitzari ihes egiteko leihoa, gure nahien eta beldurren islapen latza, asmaturiko oroitzapen ahula, ametsa.

Ventana para huir de la vida, reflejo áspero de nuestros miedos y deseos, recuerdo débil e inventado, el sueño.

Hominem/Hiritar/Ciudadano

Unicidad irrepetible que conforma sociedades, resultado de innumerables decisiones, usuario de una libertad basada en normas, sombra anónima que se guía por el anhelo.

Gizarteak osatzen dituen bakartasun errepikaezina, erabaki kontagaitzen emaitza, arauek sorturiko askatasunaren erabiltzailea, grinak gidaturiko itzal anonimoa.

www.bilbaoarte.com

www.blackkamera.com

La entrada Textos para la exposición «Habitáre» (5-18 octubre en Bilbaoarte) aparece primero en David Tijero Osorio.

Tximeleta zuriak

David Tijero Osorio — Mon, 29 May 2017 22:03:44 +0000

Laster niregana etorriko dira
eta ez dut lekurik izanen ezkutatzeko
ohean sartuta, aiduru nago
ba al dituzu entzutea?
milaka katu teilatuetan ibiliko bailiran…
hotza egiten du eta haizea disipatu eta gero
zeru beltza tximeleta zuriz bete da
leihotik ikus ditzaket, kristalean hiltzen
ailegatzen ari dira eta okerren bilduma
baino ez dut gorde zuretzat,
nire lagun bakarra
laster abiatuko naiz
negu aldea ezagutuko dut.

La entrada Tximeleta zuriak aparece primero en David Tijero Osorio.

Musika hila

David Tijero Osorio — Sun, 05 Feb 2017 00:14:32 +0000

Musika hilak erakutsi zidan hamarkada honetako bisai iluna,
erritmo dekadenteak ardatz dugu gure bizitzentzat
diru bilakatzekoak garelako dena
pantaila mutuetan bizi gara,
gerra arrotz bateko soldadu galduak gara
hiltzeko prest gaudenok jeneral ikusezinaren izenean
existentziaren orbainak gara,
amets barregarriak betetzeko programatuak,
ispiluari lorturikoa azaldu ahal izateko,
elkarrekiko etsaiak, elkarrekintza guztientzat
garaipen minimoak biltzeko prest.

(«Garaituen musika hila» liburutik, 2012)

La entrada Musika hila aparece primero en David Tijero Osorio.

Zu eta biok

David Tijero Osorio — Wed, 23 Nov 2016 19:38:40 +0000

Zu eta biok,
zimurtuko ez den lore sorta ikustezina
hutsaren amets gelditua
ezintasun goxoa

zu eta biok,
zentzubako soez eraturiko urteak
itxaropenak hornitutako arriskua
irrifar egiteko desenkusa

zu eta biok,
izan ez denaren bukaera gure aurrean
ahanzturaren mehatxu erreala
paradisua usteldu zuen nahia.

(«Izarrak itsasoan hiltzen dira» liburuan argitaraturik 2004 urtean)

La entrada Zu eta biok aparece primero en David Tijero Osorio.

Hau bezalako egunetan

David Tijero Osorio — Sat, 19 Nov 2016 20:51:35 +0000

Agian gaur bikoteek gutxiago egingo dute berba
haien besarkadak luzeagoak izan daitezen,
agian aspalditik elkar ikusten ez duten lagunek
hots egingo diote elkarri mintzatzeko gertatutakoaz,
agian bezeroak dendarien begietara egingo du so
trukea ematerakoan,
eta gidariek biharko utziko dute
hirira sartzeko etengabeko eztabaida mutu-gorra
irratiak dioena entzutekotan,
agian auzokideek ez dute ahoskatuko betiko esaldi tontoak
igogailuan topo eginez gero
kaleek lagun gutxiago jasoko dute gauez
denok babesa bilatu omen baitugu
hau bezalako egunetan,
ohikotasunak odol publikoaz zikintzen diren jardunaldietan.

La entrada Hau bezalako egunetan aparece primero en David Tijero Osorio.

Ordu magikoan

David Tijero Osorio — Thu, 17 Nov 2016 22:43:36 +0000

Gaua bakardadea bezain tristea da
hiltzeko ordu magikoa hurbilduz denean
xuxurlapena bezain leuna zure eskuak lotan daudenean
etsipenaz gogoratu nahi zaitut
arrotza neure hirian sentitzea lortutakoan
neure arestiko iragana bisitatu ostean
helmuga ezak zoriontasun apala
gogora ekarri dizkit gure su-etenak
zerbait ez dabilela sinistu nahiko nuke
mekanismo arrunta garela ohartarazi beharrean
aho honetako suak ez dit minik egiten
bereiztezin bilakatu den bidai laburretan
amets guztiak loak hartuta baitaude
eta ondo dela deritzot.

(«Oinatsen itzala», 2013. Lasarte-Oria Literatur Lehiaketan saritua)

Guardar

La entrada Ordu magikoan aparece primero en David Tijero Osorio.

Arrakasta gure irteera bakarra

David Tijero Osorio — Sat, 29 Oct 2016 06:44:25 +0000

Periodikoki aurkituko gaituzu bidean
ibaian gora eta hiri hegian non dena dekadentziaz jantzirik dagoen
elkarrekin ibiltzen direnen indarra gozatuz
ondoezaren sua erraietan sentituz hala ere
arrakasta baita dugun bakarra, gehiegiri ezezkoa sinatu eta gero
leku honi ez dagokigula jakinik edo sinistuz
egiaztatzeko bigarren bertsioa ez dugula
orainaldian izoztu egin da
gainontzekoan ohikotasunean sartu nahi ez dugula
argi erakusten saiatuz gure ekintza bakoitzean
ezezagunak gara errealitate honekiko
salto bat egin nahi dugu irteera bila abiatzeko
ametsa hortxe dagoela sinestarazi ostean
kanpoan eta urrun zoriontsuagoak izango garela
elkarri esanez etorkizuna gure erara diseinatzea badagoela
orain arte jakinda,
iragana oroitzapen faltsuez betetzeko gauza baino ez garelarik izan.

La entrada Arrakasta gure irteera bakarra aparece primero en David Tijero Osorio.

Kale garesti eta zikinak

David Tijero Osorio — Tue, 11 Oct 2016 22:29:46 +0000

Ur geldoko ibai ahaztua gezurrezko zubirekin deuseztatutako dut
porlana lokatz bihurtuko da egun euritsuetan
perfekzio faltsuaren eiteak salatzeko
arima gabeko lorategi ofizialei egingo diet so malkoen zehar,
belar erruduna lehortu arte…
Egunero ikusten dudan eraikin altuek
hiri honen itsutasunaren laburpena erakusten didate
eta itsasoak zamaturiko hodei beltzak azaltzen direnean
zurrun bilakatzea nahi dut
zeruak zintzilika eusten dieten hariak abail daitezen
hiri hau urezko harkaitzen pean betiko desagertzeko
salbaziorako dei guztiak neure barre iraingarrian debekatzeko,
hitz hustuek eraturiko bakarrizketak
oihartzun jasangaitza itotzean datzalako
neure existentzia laburbildua
arduragabekeriak azkenean irabazitakoan
ibilia naizen giltzapean dauden kale garesti eta zikinetan.

«Garaituen musika hila» liburutik, 2012.

Guardar

La entrada Kale garesti eta zikinak aparece primero en David Tijero Osorio.

Zeru afrikarraren milaka izar

David Tijero Osorio — Sat, 08 Oct 2016 22:04:41 +0000

Atea ez nuen itxi nahi izan
ametsak errealitatea mendean hartuko zuelakoan
baina une batez bederen
zeru afrikarraren milaka izar konpartitu genituen
urrunegi baikenduen
elkar baino zerbait gehiago edukitzeko
bionak eta ez beste inorenak izan ziren
loak harturik ez geunden bakarrak ginelako
gure itsaso zaharreko beste aldeko hondartzeei so
basamortuaren zauria hiltzen den lekuan
musukatu zintudala irudikatu beharko dut
hareazko haizeak ez du betiko iraungo, bai
eta gauzatzeke geratu dena burutzeko
itzuliko garela zin egin arren
elkarrekin izango ez dela
esatera ausardia aurkitu ezinik nabil
errealitatea burukadak jotzen ditudan harresia baita
minez elikatzen dudan basapiztia latza, irentsiko nauena
une oro, ikustezintasunetik ateratzeko prest dagoena
erpe zorrotzez neure bihotza laztantzekotan.

(2003 urtean lehenaldiz argitaratua)

Guardar

La entrada Zeru afrikarraren milaka izar aparece primero en David Tijero Osorio.

Ohean etzanda

David Tijero Osorio — Fri, 07 Oct 2016 20:18:20 +0000

Ohean etzanda
iluntasunaren larrutasunaz jantzita
loak ez nau bisitatu nahi
beroa izan liteke, hala ere
kafeina da burmuinean jolasean dabilena
sinapsiak biderkatuz
neure beldurren eitea eratuz buruan
loak hartzen ez dudanean
haien esklaboa naiz,
loaldia ote da askatasuna?

«Dendako Leihotik» liburuan argitaraturik, 2001 urtean

La entrada Ohean etzanda aparece primero en David Tijero Osorio.

Xuxurlatuz

David Tijero Osorio — Sun, 18 Sep 2016 17:43:43 +0000

Zugandik hurbil,
elkarrekiko ahal garen bezain hurbil
baina elkar ukitzeke
senti dezaket nola ito nazakeen zure arnasak
zaurkor sentiaraziz so horren esanahia asmatu ezinik
hitz goxoak xuxurlatzeko eskatzen didazu
behin sentitu zenuela berbizitzeko
antzua dela gure amodioa, biok badakigu
hedonismo hutsak aztarnarik utziko ez duelako
iraganeko minari ekiten diogu
gure orainaldiaren justifikazioak bare gaitzan
susmagarriak izango garelarik beti
besteak bezalakoak ez izateagatik.

La entrada Xuxurlatuz aparece primero en David Tijero Osorio.

Gure hiru minutuetako kantak

David Tijero Osorio — Sun, 24 Jul 2016 11:48:03 +0000

Asteburuko bizitza astearteko ordu txikietan
urdin elektrikoa dario irratiari
abesti debekatuak erritmo berripean
lausoak elkarrekiko argi mehea islatuz
laztan ikusezinez elkarri elikatuz
hau amaitu egin da
ez dago ahoskatu beharrik
aitak denda ireki berri du itsaso uniformearen beste aldean
semeak ikas dezan diruaren esklaboa izaten
ezkontza hasi da prestatzen ama
irla berdeko hiri beltzean askatasuna ezagutu nahi zuen alabarentzat
teknologia berria dator gure hutsa apaltzeko
urrun izango gaitezkeela baina ez duela axola,
horixe dio telebistak
belaunaldi hau agortuta dago
gure hondartza ezezagunez beteko dira
haiek ere gaztaroa edatekotan
gogoko izango ez ditugun abestiak dantzatzeko
olatuek ito egingo dituzte neska gazteagoak
kondairak jarraituko du, gu kanporatuz bere bilakaeratik
baina gela ilun honek gordetzen gaitu
giltzapean ezkuturik etorkizuna ez dela iritsi sinets dezakegu
gure hiru minutuetako kantek iraun heinean.

La entrada Gure hiru minutuetako kantak aparece primero en David Tijero Osorio.

Udazkenaren amaiera

David Tijero Osorio — Sun, 10 Jul 2016 08:51:04 +0000

Zuhaitzetatik joan da udazkena
txoriek irekitako bidetik
haizeak urrun eraman zuen
biluzik geratu da basoa
margul eta zurtz gure aurrean
orbela lur bihurtuz doa
zuriz estaliko den lur, hurrean
hits daude orain adarrak
gurasoen moduan seme-alabak abiatzen direnean
loaldirako azken urratsa izan dela
ulertzen hasiak gara.

La entrada Udazkenaren amaiera aparece primero en David Tijero Osorio.

Un poema del escritor y periodista Jöel López Astorkiza

David Tijero Osorio — Mon, 22 Feb 2016 08:26:37 +0000

Tío vivo

Mil vueltas después,
salí de mi infancia al galope
sin saber que la madurez,
con paciencia infinita,
espera al otro lado cavando
los surcos de mi piel ajada.

Puedes seguir a este autor en su blog:

https://elavionamarillo.wordpress.com/

La entrada Un poema del escritor y periodista Jöel López Astorkiza aparece primero en David Tijero Osorio.